Gujarat Crime: आईनेच घेतला 2 चिमुकल्या लेकरांचा जीव; मग सासू-सासऱ्यांच्या खोलीत शिरून... कारण ऐकून सर्वच थक्क
अहमदाबाद: अंधश्रद्धेमुळे आज पर्यंत बऱ्याच लोकांनी टोकाचे पाऊल उचलले आहे, बरेच अपराधदेखील घडवून आणले आहेत. पण नुकतीच या अंधश्रद्धेसाठी एका आईने स्वत :च्या दोन लेकरांचा जीव घेतल्याची घटना समोर आली आहे.
आपल्या पुर्वजांना मोक्ष मिळावा यासाठी तिने दोन्ही मुलांचा आपल्या हाताने गळा दाबून जीव घेतला आहे. ही घटना गुजरातमधील नवसारी जिल्ह्यात घडली असून, शुक्रवारी या महिलेला अटक करण्यात आली आहे.
नेमकं प्रकरण काय?
हा प्रकार गुरूवारी रात्री नवसारी जिल्ह्यातील बिलीमोरा गावातील देस्रा परिसरात घडला होता. आरोपी महिलेचे नाव सुनीता शरमा असून तिने मुलांसोबतच तिच्या सासऱ्यालाही मारण्याचा प्रयत्न केला होता. परंतू, वेळेवर तो घरातून जीव वाचवून पळून गेल्यामुळे तो जिवंत वाचला. सुनीता मुळची उत्तर प्रदेशमधील रहिवासी असून, गुजरातमध्ये तिचा पती शिवकांत, दोन मुले (वय 7 आणि 4), सासरा इंद्रपाल आणि सासू सुस्री यांच्यासोबत राहत होती. शिवकांतला टायफड झाल्यामुळे तो गेले काही दिवस रुग्णालयात भरती होता. त्यामुळे सुनीता काही दिवसांपासून तणावाखाली होती.
सासऱ्यावरही हल्ला
सासू-सासरे दोघे शिवकांतला रुग्णालयात जेवण देऊन, पुन्हा घरी येऊन रात्री त्यांच्या बेडरूममध्ये झोपले होते. सुनीता तणावाखाली पूर्वजांच्या मोक्षासाठी पूजा करायला सुरूवात केली. या पूजेमध्ये तिने तिच्या दोन मुलांचा बळी दिला. त्यासाठी तिने दोघांचा गळा दाबून जीव घेतला.
त्यानंतर ती तिच्या सासू साऱ्यांच्या खोलीत गेली. तिथे जाऊन तिने तिच्या सासऱ्यांना मारण्याचा प्रयत्न करायला सुरूवात केली. परंतू वेळेवर ते जीव वाचवून पळून गेले आणि शेजाऱ्यांना मदतीसाठी बोलवू लागले. त्यानंतर सूनीताने दाराला आतून कडी लावली आणि शेजाऱ्यांनी दरवाजा वारांवार ठोकल्यावरही उघडला नाही. नंतर पोलिस घटनास्थळी दाखल झाले तेव्हा त्यांनी दरवाजा तोडला. आत जाताच त्यांना सूनीता मुलांच्या मृतदेहाबाजूला बसलेली दिसली.
यानंतर, तिला तातडीने अटक करण्यात आली. तपासादरम्यान तिने हे सर्व तिच्या पूर्वजांना मोक्ष मिळावा या करणासाठी केल्याची कबुली दिली आहे. यामुळे संपूर्ण परिसरात हळहळ व्यक्त केली जात असून, दोन्ही लेकरांच्या मृत्यूमुळे पित्यावर दुखाचा डोंगर कोसळला आहे.
टिप्पणी पोस्ट करा