बुलडाणा जिल्ह्यातील वडपाणी जामोद परिसरातील 18 वर्षीय तरुणी घरातून कोणालाही काही न सांगता बाहेर पडल्यापासून बेपत्ता झाली असून, या प्रकरणामुळे परिसरात चिंतेचे वातावरण निर्माण झाले आहे. 21 नोव्हेंबर रोजी युवती हरवल्याची नोंद जळगाव जामोद पोलीस स्टेशनमध्ये करण्यात आली आहे.
मिळालेल्या माहितीनुसार, वडपाणी जामोद येथील बाली प्रकाश राऊत ही 18 वर्षांची युवती अचानक घरातून निघून गेली. नातेवाईक व मैत्रिणींमध्ये शोध घेतला असता तिचा कोणताही ठावठिकाणा लागला नाही. दिवसभर शोधमोहीम राबवूनही युवतीचा पत्ता लागला नसल्याने अखेर कुटुंबीयांनी पोलिसांकडे धाव घेतली.
नातेवाईकांनी दिलेल्या फिर्यादीवरून पोलीसांनी तातडीने हरविल्याची नोंद केली असून पुढील तपास सुरू केला आहे. पोलीस पथकांनी आसपासच्या गावात, बसस्थानकात तसेच शक्यतेनुसार अन्य ठिकाणी शोध मोहीम सुरू केली आहे. 22 नोव्हेंबर रोजी दुपारी सुमारे 4 वाजता ही माहिती पोलिसांपर्यंत पोहोचली.
घटनेमुळे गावात चिंतेचे वातावरण असून नागरिकांनीही शोधमोहीमेसाठी सहकार्य सुरू केले आहे. पोलिसांनी संबंधित युवतीबाबत कोणतीही माहिती मिळाल्यास तातडीने जळगाव जामोद पोलीस स्टेशनशी संपर्क साधण्याचे आवाहन केले आहे.
टिप्पणी पोस्ट करा